ظرفاء في ودمدني

ودمدني كانت أيام جميلة

ظرفاء في ودمدني

================

{ 1 } محمد ود حليوة

==============
ليه داير واشمعنى عاوز تعرس بت المصريين ؟
عشان لما تشرب البيبسي اشوفو نازل اسود في حلقها
ياود حليوة استغفر الله الموت حق ابوك مات خلاص - لا مايموت هسي يصحا يديني الخمسة جنيه حقاتي ويموت تاني
ود حليوه لما يكون ﻻ بس ساعتين تسأله الساعة كم فيجب من من من دي وﻻ دي.

 وتساله اذا تزوجت بتعمل شنو فيجيب ب ب بجيب عبدالله قاسم وأحمد ودكندي بي لجنة خفيفة في لسانه

مرة لاقيت أمحمد ودحليوة في بيت بكاء عند ناس أحمد الرملي .. وهو لابس تموت تخلي فقلت ليه عاوز واحد زيه .. فقال لي دا ما بلبسو غير واحد مرم .. فأنفجر الحضور بالضحك ناسين أنهم في بيت بكاء.

 طارق هويا { 2 }
===========

وانت في الموقف موقف مواصلات السوق الكبير وانت ملخوم بتفتش في المواصلات فجاة تسمع صوت يقول ليك هويا لاشعوري تلتفت ناحية الصوت ليرفع لك طارق يده مشيرا بتلك الاشارة العجيبة.

 
 بت الموقف { 3 }
===========

وانت في الموقف مدنقر بتعاين في اكوام الطماطم عاوز تشتري في تلك اللحظة تأتي تلك البنت وتهمزك وانت من الهمزة تنط فوق والناس كلها ترقب ذلك المنظر اها حتعمل شنو حتضرب البنت غايتو تاكلها وتمشي.

 { 4 } الصاروخ ود احمد السني وللقريبين من ودمدني زيادة الصاروخ ود حبيب 
================================

ياهو داك الصاروخ مارق من بيتهم مايشوفني الليلة بنشف ريقي وبديني واحدة قاتله كدي اللنندسا منو – اخونا مافي غير عمود حق كهرباء  مشى ادسا وراه جاء الصاروخ ماري بي عندو وشافو قال ليه الليلة مالك عامل زي الساعة اتناشر – عندما تتلاقى شوكات الدقائق مع الساعات لكن صاحبنا برضو ماجاته حاجة .
قالو الصاروخ كان في زيارة لي اخوانه اولاد ابوه في المزاد وبعدين داير يركب من موقف شندي فوق عشان يرجع السوق قالوا اتزنق دخل خور شندي فوق وقعد تحت في الخور لسوء حظه جاء صاحبه ابو لمبة سائق الكارو حقه شاف الصاروخ حاول الصاروخ يدسا منه ابو لمبة قال ليه شوفتك عامل كدا زي الموريس المقلوبة.

  استاذ النو { 5 }
============

في كثير من الاحيان كنا بالقرب من فندق النيل في الجانب الخلفي تقيف عربة العيفونة وهي عبارة عن تراكنور وهو يجر تريلة في مقدمة التريلة اوجد كنبة يجلس عليها اخوانا عمال العيفونة تقف الترلة بالقرب مننا وينزل منها عمنا استاذ النو الظاهر انهم بقابلوه في طريقه من العشير الي منزله في ودازرق وحبا فيه والفي راسه من علم وغيره ياخذونه معهم – اذا كان مزاجه رائق وقف وتونسى معنا واسمعنا اغنية من حسن عطية وكل مرو يتحسس الفتيل الفي جيبه فتيل المزاج وهو الفاضي من العصير المركز للفراولة كان مطبطب الشكل يسهل وضعه في الجيب يبداء في الغناء مع حركة تكريج للسنون وهو ينظر اليك من وين انت اهلك ناس منو احي انا .
اختفي عمنا النو وسمعنا ان الرئيس نميري قد امر بعلاجه في لبنان وسمعنا ان عملية تغيير لدمه قد تمت وشفناه بعد فترة اخر بدل وكدوس وجنتلمان خواجة عديل لكن بعد فترة عاد مرة اخري الي سيرته الاولي.

 شعشاع ود الهواوير { 6 }
================

وانا جالس في حلواني الجامع في السوق الصغير مع اصدقائي ميرغني البوب وهبار قبل ان يفتح مطعم الفول ياتيك من داخل الحلة الجديدة وهو في طريقه الي منزله في حي الهوارة العم شعشاع وبذلك الصوت الفخيم وترتيل للقران الكريم والواحد يقول سبحان الله الله يهدى من يشاء بتلك الحالة وتفوح منه تلك الرائحة وهو يرتل القران ترتيلا – وانت جالس في تلك الجلسة ياتيك عبدالحميد ود ناس العرضي اخو البعيو ويكون قد زوغ من الابحاث وعدا الحشرات من بدري وجاء الي السوق الجديد يوزع قفشاته وزكرياته مع كرة القدم.

أم ............ صافيات { 7 }

===============

عندما كنا صغار كنا نقول لو صافيات ركبتنا في حقها دا ووصلتنا حتى الاساس من مقر تمركزها تحت شجرة المدرسة الاميرية كان عندها اكبر حاجة شفتو في حياتي واظن تاني ماحاشوف زيه.

 
 المدييك { 8 }  
===========

في المنزل بعد منزل وداللمين الحريف والان منزل التاية بت البن كان يعيش المدييك في غرفة يقاسمه في الغرفة الثانية بنداس ركيب القهاوي الشهير وتلك الكسيكتات الشهيرة لبنداس – كان المدييك يشتهر ببيع العونكليب وقصب السكر والنبق وعلي الرغم من اننا كنا نشتري منه الا اننا كنا مغرمين بمعاكسته حتي يجري ورانا في شوارع القسم الاول ونحن نغني المدييك قلبوا طيب.