الفنان فتاح السقيد
ودمدني كانت أيام جميلة
الفنان فتاح السقيد
==============
الفنان عبد
الفتاح محمد احمد السقيد والشهير فنيا بفتاح السقيد كثير الترحال والسفر امضى فترة
اغتراب بالسعودية وفترة اخري بليبيا .
في حي المزاد بودمدني كان الميلاد وكل المراحل
الدراسية بودمدني من عائلة فنية تعشق الفن شقيقه الاخ علي السقيد الفنان واستاذ التلحين السقيد
هو لقب الجد الجزور الولاية الشمالية ثم الانصهار في عوائل ودمدني بهذه المناسبة
حكى لي اخي علاء الدين سعيد ابن عم عثمان محمد سعيد والي الخرطوم الاسبق انهم من
الشمالية ولديهم ابناء عمومة يقيمون في الخرطوم اتضح لهم انهم الاقل ارتباطا و الاقل اتصالا وتواصل بالجذور في الشمالية
لماذا لان ودمدني تاخذ الوافدين اليها بالاحضان فتزوجهم منها واذا كان لديهم بنات
تزوجهم الشباب من ودمدني هكذا ودمدني ابناء وناس ودمدني لايسألوا قبيلتك شنو وانما يقولون لك انت من وين في
ودمدني في ياتو حي واهلك ناس منو والناس الجمبكم ناس منو ولا انت معرس من ناس منو .
البداية
من المرحلة المتوسطة مرورا بمحطة مهمة في ذلك الزمان مركز الشباب مع اولاد الدفعة
الفاتح حسين والرشيد كسلا ودفع الله الناير وعادل القوس مع عبدالله الكردفاني .
بدأت تعليم العزف علي العود
= وبعد ذلك
الغناء لكبار المطربين امثال احمد المصطفي ابراهيم عوض زيدان ابراهيم
، وبعدها بدأت التلحين
اول عمل كان اسيبك كيف وواصل في التلحين والان يمتلك حصيله كبيره من الاغنيات الخاصه منها مدني
الجميله ، وجرس غرامنا ، والياسمينه ، اكثر من ثلاثون اغنيه خاصه
، شارك في مهرجان الابداع
الثقافي عام 83 واحرز المركز الثاني علي نطاق السودان والاول علي الولايه الوسطي
سابقا باغنية من تلحين اخيه علي السقيد ،
فكانت نقطة
الانطلاق
اسيبك كيف افوتك كيف ما إنت البسمه إنت النسمه عز
الصيف اسيبك والله مابقدر وكيف اقدر علي الهجران § بحبك مهما تنساني بريدك وبرضي
بيك ولهان § اسيبك كيف§ صبرنا وقلنا تطرانا يجيبك لينا درب الريد § لقيناك إنت
متناسي وشفنا هواك عدي بعيد § اسيبك كيف § اسيبك كيف اسيب روحي واسيب زاتي § اسيب
إنسان بعيش في قلبي وإحساسي § اسيبك كيف افوتك كيف ما إنت البسمه إنت النسمه عز
الصيف
@
مدني الجميله @ هذه
الكلمات الجميلة والتي اصبحت اللحن الخالد لابناء ودمدني والتي ابدع فيها شعرا
عاشق ودمدني الشاعر المرهف جمال عبد الرحيم
وابدع فيها لحنا اخونا فتاح السقيد
فصارت تميمة ودمدني وايقونة كل فناني ودمدني 0000
إنتي من
وين يابنيه
ناويه
علي وين السفر
قلتي لي
مدني الجميله
مدني يا
أجمل خبر
فيها
قضيت الطفوله
فيها شاب
عمري وكبر
اذكر
ايامنا الجميله
مجلس
النيل في العصر
قبة السني وفريقنا
عامره حلقات الذكر
تلهم الكاشف يغني
ويكتب
المساح شعر
السلام شيليه مني
ذكرياتي
مع الصور
بلغي
احبابي وصحابي
قولي
فرقنا القدر
الحنين
يامدني ليك
بكي في
نفسي الوتر
مدني في
حدقات عيوني
باقيه في
جواي اثر
احلي ايام عشت فيها
خالده علي طول العمر
إن نأيت
لابد راجع
حتي لو طال السفر
تعليقات
إرسال تعليق