سوق ابوجهل

ودمدني كانت أيام جميلة

ذكريات سوق ودمدني

سوق أبوجهل

=============

في قلب سوق ودمدني منطقة شارع محل تمباك عبدالحق والدكاكين الموجودة في هذه المنطقة  وامتداد الشارع حتى منطقة الدلالة الشهيرة وخلف هذا الشارع ومحلات شمبول  وماجاورها من دكاكين .

في هذه المنطقة  نجد صف النجارين او سوق ابجهل...وهو يضم عدد من الدكاكين يعمل بها اخوتنا من ال زيدان وال العوض منهم يسن حاج عوض وال يوسف ابراهيم وعبد المحمود الحربيابي والطيب بابكر النجار واخوانه .

هنالك اشخاص شكلوا ورسموا ملامح هذه المنطقة قبل خمسين عاما اويزيد منهم من انتقل الي الرفيق الاعلي وبقي  الان  ورثة هولاء الراحلون من  اولاد واحفاد .

من الرعيل الاول والذين تركوا بصمة في هذه المنطقة الاعمام احمد الفكي واحمد عمر واحمد الانصاري  ودفع الله ابوليلي وشرشر وبشرى صالح  وعابدين عبادي وعلم الهدى وحاج عوض ويوسف ابراهيم وشيخ بيومي والحلاق جقود وعثمان شهاوي وحسين الملك وحسن الحضري والشريف وصالح معلا  وعبدالحفيظ وعبدالستار وطلب وعبدالحليم والنجارين حمد والطيب وعبدالمحمود والشامي والفاضل وشقمة وعثمان خالد وابوالروس وحامد الجبلابي واولاده  مهدي وصديق وسنهوري وابنه مجدالدين  وعبدالقادر حمد وحنان  وعبدالحق عبدالحليم وادم سراج وجاه الله والشابي وشهاب وعباس واحمد صديق وبابكر الخندقاوي وشيخ ادريس والسني وكوريا  ومغنى وكرن  وعبدالعظيم والسر وعبدالرحمن قورة اظرف شباب السوق  والزبير بتاع الورنيش وسيد احمد وزميله في المهنة  عيسي النقلتي .

عبدالرحمن كبير وملاح البراطيش والرشوشه والقاورما  في زمن الوصلة مجانا.

وهولاء الرجال والذين يظهرون في هذه المنطقة ويشيعون البهجة والسرور امثال  قرشو  وطلقا والدراويش امثال تاج الدين  { تابي } وخوجلي.

والكبار احمد بلة واحمد عبداللطيف والخواض وقاسم الفرنساوي.

والعم فقيري واولاده فيصل وابوعبية والفاتح والصادق .

ومحمد عابدين والفاضل وخليل وعمر وشمو وابناء عمهم  اولاد القاضي.

اولاد حنان  محي الدين وعادل وعوض اب راس ومهندرا  وامين احمد عمر واسامة وخالد وبشير وبكري كمال وخلف الله جبلابي.

جماعة الليمون عمر مدمس وعلي جني  وعلي التندلي.

من يبيعون الشاي  عم سليمان وود العبيد ومكي دفع الله مكي .

عبدالرازق والطاهر وبشرى وعمر شقمة .

   حارة السروجيه تبدأ من الغرب للشرق حامد الجبلابي

ومحمود البرنس ومحمد البشير الاوسطي واحمد المرضي الاستاذ وعلي الاطرش شقيق الاسطي وبعده صالح عبد القادر وعثمان الشهاوي وبيضاب وعبد الله شكر الله وجقود وود البركه وعبدالله ود زايد وودبلال ومطعم عمك عبدو ومطعم حسن عبدون وقهوة ود العبيد وعمارة احمد عبد اللطيف وآدم سراج وودالزبير والخليفه رصوان وعبدالله ابراهيم صالح ومحمد صالح جريس وسيد احمد حماد.

ابناء النجارين عبدالمنعم حمد وعبدالعظيم ابوزيد وعلي ابوزيد   والفاضل وجعفر وعلي احمد.

وايام  سوق زيارة المستشفي  مع عثمان والبيع بالمتر والياردة .

أيام الدلالة والعم  بركات  ينادي ابن حلال يفتح الباب  والزحام والحرامية والنشالين.

اسماعيل كول والفطور يوميا بطعمية الفلاتة.

واللواري والتي تقف امام الدكاكين واصحابها مصطفى عبدالجبار ومصطفى بيكاوي.

أشهر ترزي افرنجي وكمان لاعب كرة حريف عثمان سليم  اخو بلة سليم ودامبا  والهادي سليم ومحمود طيارة ومحمد جلودي.

الترزيه  البلديين احرفهم ود اب سنط والسفير واللمين الامبورطي.

القماش من فرنسيس عطية وقاسم الفرنساوي والخيوط من الياس البني اليهودي.

أيام الفركة والقرمصيص وتوب الزراق والدمورية والبوبلين والحرير والكستور والهزاز والستان والدبلان واللامبريك والساكوبيس والسروال ابوتكه والعراقي.

زوار السوق من القري  امثال حاج الفاضل ومحمد حاج علي وعثمان وبخيت وعبدالرحمن ووالده سعد الانصاري.

ود العطا وبسيوني { فستنة } وخليل { خلو } .

استاذ مرغني والصنايعية  ابراهيم دردرق ووتا  وبصلة وخبير واولاد جنقول وعبيد الحلبي  .

السماسرة  حسن عبدالمحمود وابو ضراع  وموسي الثعلب الفهلوي.

الفنان وداللمين يجي يفتش عن والده في هذه المنطقة والفنان صديق سرحان يمدح في دكان ناس الانصاري.

الترزية اخوانا الفلاتة حمودة  والنور وابكر وصالح شغلهم كان الي اللبس وشغل سوقي.

كمال ابكر ومحمد السفير وفاروق وادم كلد { ياناسينا } دائما كان يقلد الفنان وردي واللمين حويتة وقاورما.

العتالة حاج اسحق وعمر وابسنون وبشير البطل.

تومكس وعمك ماجد في الزاوية وابوالسعود وجنقول  وعاطف الميكانيكي .

عثمان احمد وعثمان شقمة وعثمان حريقة وعثمان البوسطجي.

حسن الملك وعبدالعزيز انصاري وعبدالعزيز الصديق { صارقيل } واخوانه ناس ود المهيدي.

صلاح وعابدين وبدر وعامر وعوض قريب ناس الانصاري.

وبتاعين  المخيطات زمن مكنات سنجر وفتيس .

نور الدين واخيه بشير الصوفي وشق النالة واولاد العمدة  واولاد عبدالحميد وناس ود الازيرق  وناس ود الدقوني .

احمد الانصاري يصيح وقت الغداء ارح هووي فياتي كل مسكين وشماسي وعبدالرحمن قورة يزعل ويزوغ من غداهم ويجي يأكل مع ناس احمد الفكي  ويقول احسن اكل مع جيراني.

قهوة عمك ادريس وتمتد لدكان عمك عبدالسلام المقاصد دكان عثمان سلمان جار الفرنساوي الاب.

ود البركة اشهر عطاره كان يبخرالسوق كلو والترزي ابراهيم فرج مع احمد بله و التمرهندي والليمون في قهوة ناس ودالعبيد وحامد البوب ومطعم عبده وحسن عابدون وناس ابوشريعه في الاواني وناس المرضي وجريس وحسين العبيد.

الوكالات الكانت بدل الفنادق لكل من بأتي من الأقاليم للمستشفى وكالة حامد وقهوة منصور وقهوة عمك الياس .
اولاد سيد احمد وعثمان محمد عبدالله ويحي الفلاتي دكان عبدالرحمن سعد وسعد تاي كمبال والباس كمبال وعبدالله احمد يحي وناجى ورمضان الفرنساوي ودكان هاركسنداس الشهير والعم عبيد فضل .

بعد دكاكين الخردوات وزنك الخضار تجد حلبيات الفسيخ والطايوق والودك وستات الودع تحت الشجرة  وجماعة بشوفوا  الخيرة  وبتاعين العروق والرمالي  وجنب السينما القورو فايده  والبني كربو  والقدوقدو  والحلاقين والفصادين .

اظرف منظر في هذه الناحية اثنين شحادين مع بعض مكونين ثنائي كريم ربنا كريم كريم ربنا كريم .

والشحاد ابوعين قوية وهو يشحد يارب 30 ياردة دمورية فاضل ليه يقول عاوز لوري.

اهم شخصية في شارع اتجاه واحد عمك عابدين وداﻻفندي والد المرحوم محمد والملقب بي ودال... ....وﻻعب اﻻتحاد كوشينا.
واخونا ميرغني عابدون وصندوقه في اول صف النجارين وهو مركز تجمع للدﻻلة بتاعت موسي الثعلب وصبحة ..وموية الفكي ابونافورة بتاعت القضارف.
الباعها موسي الثعلب الكوزبقرش واخر اليوم 3بقرش وكانت موية من الحنفية كبا فيها تراب وشوية عطرون من بتاع التمباك ....

@@ من ذكريات فاروق احمد الفكي بتصرف @@