ودمدني كانت أيام جميلة

ودمدني كانت أيام جميلة عائلة عديلة =========== يبدأ تاريخ الاسرة من الجد الكبير ابراهيم عمر .  ولد في جزيرة لبب وهو من ابناء عمومة محمد احمد المهدي ، توفي شهيدا في فتح الخرطوم قُبالة مقر غردون باشا ، زوجته عديلة بت جلال ست الحجل والسوار كانت امراة قوية اخذت ابنها الوحيد احمد ومعه اختيه فاطمة وستنا وانتقلت للعيش في ودمدني مع والدها جلال كان ميسور الحال يملك عصارات زيوت  وحفر بئر للماء في حوش منزله  في فريق الطملة قبل ظهور شركة النور وكان هذا البئر  للسقيا وسمي { سهلة البير } ادخل سيارتان الاولى اهداها الي السيد عبدالرحمن المهدي والثانية كانت اول سيارة تدخل ودمدني. . منازل العائلة تنتشر من جنوب غرب جامع ابوعيسي وحتى حدود فريق النضيراب. اخذت العائلة اسمها من الام عديلة بت جلال. ابنها الوحيد احمد ابراهيم عمر والشهير بي احمد عديلة. ابنتاها من ابراهيم عمر هما :- فاطمة ابراهيم عمر زوجها ابراهيم فارس واولاده :- 1- (أ) محمود فارس زوجته ليلي بت زينب بت عديلة . ثم تزوجت فاطمة ابراهيم عمر من عبيد فضل. 2- س

ودمدني كانت أيام جميلة حي شندي فوق ============= حي شندي فوق تأسس سنة 1956 نقل بعض السكان من الحلة الجديدة السبب هو ايجاد منتزهات للحلة الجديدة    مثل حي المزاد يعني اي بيت واقع في المنتزهات الجديدة  تم اجبارهم علي الرحيل الي حي شندي فوق . سبب تسمية الحي هنالك اقوال كثيرة منها:- ناس الحاجة   بحر الزين  كانوا ساكنين الحلة الجديدة جوار السوق الصغير المهم حصلت توزيعات من الحكومه وكانت التوزيعات دي في شندي فوق وكانت منطقه كعبه شويه وحتى أرضها بتمسك مياه الأمطار... المهم بحر الزين اول ما جوا راحلين من الحلة الجديده (طبعا شويه الزول بكون زعلان لما يفارق جيرانو ومكانو المتعود عليه ) فأول ماوصلت جنب الكبري المكان ما عجبها وكانت منطقه بسيطه شديد ... وبزعل كدا قالت هي مالها عامله كدا زي شندي فوق.... وطبعا دا تشبيه لمنطقة موجوده في مدينة  شندي ويطلق عليها شندي فوق..... ومن هنا جات التسميه. قول اخر وهو مربوط بلغة اولهجة من غرب السودان ... لما كانت الانادى فى غرب الحلة الجديدة ونهاية المنطقة الصناعية كانت شندى فوق عبارة عن بلدات اوخلا وكان لما ي